7:00

Grindvíkingurinn Alma Rut Garðarsdóttir verður að öllum líkindum ekkert með Grindavík í Iceland Express deild kvenna á næstu leiktíð. Alma sleit nýverið krossband og bíður þess að komast í aðgerð við meiðslum sínum. Ekki aðeins er þetta blóðtaka fyrir körfuknattleikslið Grindavíkur heldur leikur Alma einnig með kvennaknattspyrnuliði GRV í 1. deild kvenna og verður því ekkert með þeim á grasinu í sumar.

20:52

Landslið drengja 15 ára og yngri tekur þátt í boðsmóti í Kaupamannahöfn þessa dagana. Liðið lék tvo leiki í dag og tapaði þeim báðum. Sá fyrri var í morgun gegn pólska liðinu WKK Wroclaw og tapaðist hann 68-52 og var Valur Orri Valsson stigahæstur með 26 stig. Seinni leikurinn var svo gegn Berliner BV og fór hann 60-48 fyrir Þjóðverjana og skoruðu þeir Oddur Birnir Pétursson og Þorsteinn Ragnarsson 9 stig hvor.

19:19

Gunnar Einarsson sem valinn var besti leikmaður úrslitakeppninnar nú vor hefur skrifað undir nýjan samning við Keflavík, frá þessu er greint á heimasíðu Keflavíkur. Gunnar sem er 31 ára hefur leikið með meistaraflokki Keflavíkur síðan 1993 og alls 662 leiki og skorað 5794 stig. Aðeins Guðjón Skúlason hefur leikið fleiri leiki.